Сплит, 20 септември 2016 (МИА) - Во Жупанискиот суд во Сплит денеска почнува судењето на Драган Васиљковиќ, познат како капетан Драган, кое ќе го следат новинари речиси од цел свет, ако се земат предвид акредитациите.
Васиљковиќ е обвинет за воени злосторства извршени во 1991 и 1993 година врз хрватски војници и цивили за време на војната во Хрватска, а тој, како што потврдила неговата адвокатка Слаѓана Чанковиќ, повторно ќе се изјасни дека не е виновен.
Имајќи предвид дека беше десет години во притвор, доколку Советот за човекови права на ОН одлучи, тогаш Васиљковиќ би можел да се брани од слобода.