Тирана, 29 септември 2016 (МИА) – Припадниците на албанската полиција во селото Ребул, кај Мат, попладнево запленија три тони и 132 килограми марихуана.
Дрогата била пронајдена во куќа, која служла како магазин, за преработка и пакување на дрогата.
Во исто време полицијата отркила и уништила 13.000 стебла марихуана,засадени на неколку парцели.
Според Обвинтеството за тешки кривични дела во Тирана сопственици на дрогата биле полициски службеници, вработени во јавната администрација. Истите се индетификувани и се трага по нив.
Деновиве во село во Ишмит полицијата заплени 300 килограми марихуана во двокатна куќа, која се користела како магазин, за сушење и пакување на дрогата.