28.bmp)
Атина, 20 октомври 2016 (МИА) - Грција може да се биде првата жртва, односно земјата да биде принудена да ја напушти еврозоната, бидејќи следната или следниот германски канцелар, де факто, нема веќе да биде „канцелар на Европа“. А, евентуалниот Грексит ќе има непредвидливи последици за Европската Унија.
Оваа оценка ја дава професорот по економија на универзитетот Принстон, Асока Монти, за грчкиот весник „Вима“ во текстот под наслов „Европа по Меркел“.
Во моментов Меркел си ја задржа улогата на фактички европски канцелар, едноставно затоа што нема друга алтернатива, но Германија и Европа ќе се променат и следната или следниот германски канцелар нема да ја има ниту поддршката на Германците, ниту, пак, ќе е прифатен од Европејците како канцелар на Европа, а првата жртва од тоа би можела да биде токму Грција, смета авторот, потсетувајќи дека следната година во Германија ќе се одржат федерални избори и новиот Бундестаг ќе треба да го избере следниот или следната канцеларка.