Дијаспората испрати на Косово 500 милиони евра оваа годинаПриштина, 22 ноември 2016 (МИА) - Граѓаните, со потекло од Косово, кои живеат во странство испратија на Косово 500 милиони евра за првите осум месеци оваа година, што е пораст во однос на минатата година, покажуваат податоците на Косовската централна банка, јавуваат косовски медиуми.
Најмногу пари од дијаспората на Косово пристигнале во август, 98,6 милиони евра.
- Во јануари имало 56,7 милиони евра, 48 милиони во февруари, 51,9 милиони во март, 57,2 милиони во април, 56,7 милиони во мај, 59,2 милиони во јуни, 70,2 милиони во јули и 98,6 милиони во август, наведоа од банката.
|