Белград, 23 ноември 2016 (МИА) - Ако утре во Србија бидат спроведени претседателски избори, лидерот на владејачката Српска прогресивна партија (СНС) Александар Вучиќ би бил многу близу до победата во првиот круг.
Ако не се кандидира, во вториот круг Вук Јеремиќ би се претставил најдобро од сите останати кандидати, покажуваат резултатите од најновото истражување на „Нова српска политичка мисла“, кое беше објавено во весникот „Блиц“.
На прашањето за кого би гласале ако претседателските избори се одржат утре, 29.8 проценти од анкетираните Срби одговориле дека ќе го дадат гласот за сегашниот премиер, 18 проценти од нив би гласале за Јеремиќ, а 16,4 отсто за актуелниот српски претседател Томислав Николиќ.
Потоа следуваат лидерите на Социјалистичката партија на Србија и на Српската радикална партија, Ивица Дачиќ и Воислав Шешељ со еднакви резултати.
Директорот на „Нова српска политичка мисла“ истакна дека истражувањето е направено во момент кога ниту Вучиќ ниту опозицијата ги немаат соопштено имињата на нивните кандидати за претседател на државата.
Ако Вучиќ се кандидира, иако неколку пати изјави дека тоа нема да се случи, секој друг кандидат на СНП тешко ќе го победи Јеремиќ, покажува анекатата.