Француската амбасадорка во Црна Гора ја повика опозицијата да учествува во работата на парламентотПодгорица, 16 јануари 2017 (МИА) – Амбасадорката на Франција во Подгорица, Кристин Тудик ја повика опозицијата да учествува во работата на парламентот и истакна дека сите околности од случувањата на изборниот ден, 16 октомври треба да се расчистат. – Сите опозициски партии треба да учествуваат во работата на парламентот...Неопходно е во таа институција повторно да се воспостави дијалог. Европската унија како што истакна неколкупати, не е наклонета за тој бојкот, изјави Тудик. Таа додаде дека во секој случај, мнозинство пратеници се во парламентот, кој може да извршува работа доколку за усвојување одлуки не е неопходно мнозинство. Црногорската парламентарна опозиција не го призна изборниот резултат и од првиот ден не учествува во работата на парламентот.
|