Сто и шеесет германски пратеници потпишаа петиција за ослободување на дописникот на „Велт“ во Турција

Анкара, 25 февруари 2017 (МИА) - Сто и шеесет германски пратеници се потпишаа под писмото испратено до турската Амбасада во Берлин со што се поднесува барање за итно ослободување на дописникот на германскиот весник „Велт“ во Анкара Дениз Јуџел.
Јуџел, кој била баран од турските власти, беше уапсен минатата недела, откако сам се предал на турската полицијата.
Писмото било испратено до турскиот амбасадор Али Кемал Ајдин по иницијатива на социјалдемократот Нијлс Анен и на пратеникот на Зелените Омид Нурипур.
Во текстот се инсистира да се обезбеди слободно работење на новинарите во Турција, а при тоа се истакнува и турско-германското пријателство.
Пред неколку денови германското Министерство за надворешни работи изрази надеж дека случајот на Јуџел ќе биде разгледан „во согласност со владеењето на правото“.