Додик: БиХ треба да и се извини на Србија Бања Лука, 27 февруари 2017 (МИА) - Претставниците на Сојузот на независни социјалдемократи (СНДС) од институциите на Босна и Херцеговина ќе упатат извинување до Србија по повод барањето за ревизија на пресудата на судот во Хаг, истакна денеска претседателот на партијата Милорад Додик. - Тука се работи за брутален напад на Србија од Бошњаците. СНДС нема да води политика за повлекување ниту кога судот во Хаг вели дека нема основа за ревизија, истакна Додик. Тој истакна дека не би било проблем ревизијата да биде упатена од Бошњаците, но дека е неприфатливо да се поднесува во име на БиХ, а да бидат против тоа други два народи. - СНДС го отфрла начинот на претставување на БиХ на меѓународно ниво и го осудува бруталниот напад врз Србија, по едноставното поднесување на барањето за ревизија на пресудата на Меѓународниот суд на правдата против Србија.
|