Белград, 1 март 2017 (МИА) - Српската јавност ја доживува Европската унија како „машина за притисок“ врз Белград за да го признае Косово, изјави денеска српскиот премиер Александар Вучиќ на средба со претставници на работната група на Унијата за проширување, на Советот на ЕУ и Европската комисија.
- Воопшто не е лесно да ги убедиш граѓаните во придобивките на Европа, откако нашата јавност од време на време ја гледа ЕУ како машина, која врши се поголем притисок врз нас по прашањето за Косово, рече Вучиќ.
Српскиот премиер изрази увереност дека Србија ќе остане на европскиот пат, кога тој следните месеци ќе си замине од Владата.
Српската прогресивна партија го избра едногласно Вучиќ за свој кандидат за претседателските избори во април.