Анкара, 22 март 2017 (МИА) - Стотици Турци минатата ноќ излегоа на улиците ширум земјата, откако на социјалната мрежа Твитер беше објавено дека во Анкара е во тек нов обид за воен преврат.
Како што јави БТА, по проширувањето на ваквата гласина, поголем група луѓе се собраа пред Претседателската палата „Бештепе“ во Анкара, кои вееја турски знамиња и скандираа „Нема да доволиме нов преврат“, „Нема да те дадеме“ и „Ќе останеш до крај на функцијата“, мислејќи при тоа на претседатлот на Турција, Рецеп Тајип Ердоган.
По ваквите собири се огласија повеќе владини претставници кои ги повикаа граѓаните да се вратат во своите домови.
- Браќа, бидете спокојни. Состојбата е под контрола, напиша на својот налог на Твитер пратеникот на владејачката Партија на правдата и развојот (АКП), Метин Килинк.
Сепак и покрај ваквите повици десетици лица останаа пред Претседателската палата до раните утрински часови.