Сараево, 23 март 2017 (МИА) - Силите на Европската Унија (ЕУФОР) во Босна и Херцеговина ќе останат таму се додека ЕУ и Советот за безбедност на Обединетите Нации сметат дека и се потребни на земјата, изјави во интервју за порталот „Јуропиан Вестерн Балканс“, командантот на ЕУФОР, австрискиот генерал Фридрих Шретер, чиј мандат наскоро истекува.
Прашан со што ќе се занимава неговиот наследник, Шретер одговори дека тоа се прашањата околу безбедносните закани, со кои локалните власти досега докажале дека се способни да се справуваат.
- Тоа значи дека ЕУФОР е добро упатен во ситуација на блиска соработка со Вооружените сили на БиХ и локалните полициски сили во превенциите во потенцијални закани по безбедноста на земјата. Важните настани, како што е Маршот на сеќавањето во Сребреница, на пример, придонесоа за таа блиска соработка, рече генерал Шретер.