Ердоган ја повика Бугарија да обезбеди услови за фер избори

Анкара, 23 март 2017 (МИА) - Турскиот претседател Реџеп Таип Ердоган ги отфрли денеска тврдењата дека неговата земја се меша во внатрешните работи на други држави.
Турција секогаш го почитувала територијалниот интегритет и суверенитет на сите земји, рече Ердоган и во исто време ја повика Бугарија да ги обезбеди сите услови за одржување на фер и транспарентни избори на 26 март, за да може сите нејзини граѓани да го искористат својот глас во атмосфера на мир и безбедност, јави БТА.
- Во недела, на 26 март во Бугарија ќе се одржат парламентарни избори, но дознаваме дека таму се прават обиди да се спречи наши сонародници, наши браќа од турско потекло со бугарски пасоши, да го остварат слободно и демократски своето право на глас, вели Ердоган.
- Се прават обиди за притисок врз нив. Тоа многу длабоко не вознемири, рече Ердоган. - Може ли да се прифати такво нешто за нормално? Од една страна, Бугарија тврди дека ги штити европските вредности, како европска држава, но од друга страна - да вршиш притисок врз луѓето од турско потекло за да не гласаат според своите убедувања. Каде е тука европското (однесување)?, праша турскиот претседател.
Ердоган посочи дека Турција не се меша во политиката на други држави, но во исто време е нејзино право да ги брани демократските права и слободи на сонародниците во соодветната земја.
Турскиот претседател ја даде изјавата на средба со претставници на иселнички заедници од Бугарија и балканските земји, која се одржа во Анкара со учество на повеќе од 3 000 луѓе. Ова беше петта финална средба одржани по иницијатива на турското Министерство за труд и социјална политика со претставници на иселнички организации од Бугарија и балканските земји во Турција.
На овие состаноци се разговара за прашања поврзани со иселениците, во врска со социјалните права, обезбедување на работа, здравствено осигурување, како и прашањето за нострифицирање во Турција на дипломите на турските студенти кои студираат во странство.



Прочитајте: затвори
  • РЕПЕРТОАРИ
IDIVIDI Сервиси
IDIVIDI Речник
Powered by MagnumPRO
Download
Временска прогноза

Н/А

Нема
Битола
Н/А
Нема
Охрид
Н/А
Нема
Скопје
Виц на денот
Муабетат двајца пријатели во кафана:
- Абе, знаеш дека од една пијачка ме фаќа?
- Ај, шо збориш, од една само???
- Да бе, и тоа обично шестата.

* * *
Прашува едно дете...
webmail
IDIVIDI Радио
Македонски
Pop
Classical
Dance
Hip-Hop
Jazz
Rock
Ambient
Tehno&Trance
Состојба на патиштата
Времена измена на режим на сообраќај на регионален пат Р1101 делница Прилеп - Битола заради интезивирање на градежни активности во врска со проект "Санација на трупот на патот кај...
Верски календар
На денешен ден
1461.- Во најкрвавата битка во Војната меѓу двете...
1772.- Умре шведскиот филозоф Емануел...
1792.- Умре шведскиот крал Густав Трети, 13 дена...
1809.- Шведскиот крал Густав Четврти мораше да...