Штерц: Можно е за 10 години Хрватска да има само три милиони жители

Загреб, 23 март 2017 (МИА) - Доколку продолжат постоечките трендови на морталитет и иселување на населението, Хрватска за 10 години би можела да има три милиони жители, изјави хрватскиот демограф Стјепан Штерц.
Тој тврди дека „во следните пет до 10 години би можеле да се урнат пензискиот, здравствениот и образовниот систем, како и системот на работна сила, што се темели на секоја држава“.
Штерц, во Осиек на тркалезната маса „Будење или сите во Даблин“ во организација на Институтот за општествени истражувањеа „Иво Пилар“ и Институтот за европски и глобализациски студии, оцени дека состојбата е полоша од тоа што се зборува во јавност, бидејќи покрај иселувањето загрижувачка е и стапката на морталитет.
- Поради тоа сите надлежни државни и локални институции треба да почнат да носат стратешки одлуки на тоа подрачје, наведе Штерц.