Прокурдска партија тврди дека е под „медиумско ембарго“Анкара, 28 март 2017 (МИА) – Главната прокурдска партија во Турција соопшти денеска дека е под „медиумско ембарго“ што влијае врз нивната кампања против уставната реформа со која се бара зголемени овластувања на турскиот претседател.
Демократската партија на народите соопшти дека е под „опасно медиумско ембарго за време на решавачки процес што ја определува судбината на Турција“.
Тие наведуваат дека на државната телевизија во периодот од 1 до 22 март 1.390 минути биле посветени за претседателот, 2.723 минути за владејачката Партија на правдата и развојот и 0 (нула) минути за ДНП. Референдумот за уставна реформа ќе се одржи на 16 април.
|