Хрватска и понатаму над европскиот просек по бројот на загинати во сообраќајни несреќиБрисел, 28 март 2017 (МИА) - На патишта во Европската унија во 2016 година загинале 25.000 луѓе што е за два отсто помалку во однос на 2015 година, а во Хрватска таа цифра е над европскиот просек, објави Евростат. Лани на европски патишта загинале 25.500 луѓе, 600 помалку во однос на 2015 година т.е. 6.000 помалку во споредба со 2010 година. Во Шведска на милион жители загинале 27 луѓе, Велика Британија 28, Холандија 33, Бугарија 99, Романија 97 Летонија 80. Во Хрватска во 2016 година загинале 73 лица додека европскито просек е 50. Една година претходно во Хрватска имало 82 жртви. Во 2010 година на патишта во Хрватска загинале 99 луѓе. Според Евростат, од вкупниот број смртни случаи на европски патишта, само осум отсто се на автопатишта, на градски улици 37 проценти и на рурални патишта 55 отсто. Патници во автомобили се жртви во 46 отсто случаи, пешаци 21 процент и велосипедисти осум отсто. Бројот на тешко повредени во сообраќајни несреќи се проценува на 135.000 лица.
|