Атина, 29 март 2017 (МИА) - Властите во местото Ксанти во североисточна Грција, од вчера се во состојба на зголемена готовност, откако во џамија во село во близина на турската граница биле пронајдени две пушки и муниција.
„Катимерини“ дознава дека локалните безбедносни служби добиле информации за скриено оружје во џамија во селото Илиопетра во општината Топеирос.
По истрагата, полицијата вчера пронашла и запленила два пиштоли, еден со придушувач и големо количество куршуми.
Како што јави дописникот на МИА од Атина, имамот, кој бил задолжен за џамијата, бил веднаш уапсен под обвинение за нелегално поседување пиштол и се очекува денеска да се појави пред локален обвинител, а врз запленетото оружје ќе се спроведе балистичко тестирање.