Пратениците на „Српска листа“ повторно седнаа во пратеничките клупи на косовското Собрание

Приштина, 30 март 2017 (МИА) - По речиси шестмесечен бојкот, пратениците на „Српска листа“ денеска присуствуваат на седницата на Собранието на Косово, јави Танјуг.
Враќањето во пратеничките клупи пред деколку дена го најави шефот на „Српска листа“, Славко Симиќ, кој рече дека се враќаат за да „ги искористат сите можности за спречување на формирањето на косовската војска и на Приштина да и ги скратат изговорите за неформирањето на Задницата на српски општини“.
На денешната седница на косовското Собрание, освен српските пратеници, присуствува и министерот за заедници и враќање, Далибор Јевтиќ, пренесе Радио КиМ.
На дневниот ред на денешното заседание меѓу шеснаесетте точки се наоѓа и изборот на еден член на Судскиот совет на Косово од редовите на српската заедница.