Сараево, 30 март 2017 (МИА) - Во Сараево денеска и официјално е претставена Декларацијата за заеднички јазик, составена од 30 експерти од различни области во текот на едногодишната конференција „Јазиците и национализмите“ одржани во Белград, Сплит, Подгорица и Cараево.
Декларацијата претставена денеска веќе „дигна голема прашина“ во државите во регионот на кои се однесува - Босна и Херцеговина, Србија, Црна Гора и Хрватска.
Владимир Арсенијевиќ од Здружението „Крокодил“ претставувајќи ја Декларацијата изјави дека вниманието што е предизвикано укажува на нејзината важност.
- Сакавме само да се обидеме да ја реконструираме неприродната состојба во која живее регинот веќе неколку децении, истакна Арсенијевиќ, кој е потписник на Декларацијата.
- Постојат четири стандардни варијанти кои во секоја држава можат да се именуваат како што сакаат земјите. Ако во 75 проценти меѓусебни се разбираме значи дека се работи за една лингвистичка основа која е спомната во Декларацијата донесена пред 50 години, изјави хрватската писателка Ивана Бодрожиќ.
Декларацијата за заеднички јазик досега е потпишана од повеќе 200 лингвисти, писатели, научници, активисти и други кредибилни личности од јавниот и културниот живот на БиХ, Црна Гора, Хрватска и Србија.