За парламентарните избори во Албанија пријавени 45 партииТирана, 12 април 2017 (МИА) - Албанската Централна изборна комисија денеска соопшти дека за учество на парламентарните избори во Албанија закажани за 18 јуни, кандидатури поднеле 45 политички субјекти. Како што и најави, на изборите нема да учествуваат партите од здружената опозиција, предводени од демократите на Љуљзим Баша. - Рокот за регистрација за учество на изборите заврши. Во конечната листа се 45 политички партии, кои на 18 јуни ќе се тркаат за места во законодавниот дом. На листата нема ниту еден полтички субјект од обединетата опозиција, изјави претседателот на Комисијата, Денар Биба. Како што јави допсиникот на МИА, меѓу регистриранте партии за учество на изборите е и единствената партија на Македонсците во Албанија, Македонска алијанса за европска интеграција (МАЕИ).
|