Анкара, 9 мај 2017 (МИА) - Турција верува во вредностите и интересите, што и самата ги споделува со Европската Унија, изјави турскиот министер за ЕУ, Омер Челик.
Како што јави „Дејли сабах", говорејќи по повод Денот на Европа, Челик истакна дека целта на Турција за присоединување кон Унијата се заснова на демократијата, мирот, човековите права, економскиот развој и високиот стандард.
- ЕУ ја симболизира заштитата на културните ведности, разноликоста и просперитетот, и најважното - заедничката иднина заснована на овие идеи. Растечката исламофобија и елстремно десните идеи во Европа претставуваат голема закана за тие вредности, нагласи Челик.
Тој притоа ја повика ЕУ да се оттргне од предрасудите и стравовите, кои му пречат на развојот на нејзините земји и да се врати кон суштинските свои вредности.
- Турција ќе биде најголемиот поддржувач на ЕУ во тој процес, додаде тој.