Црногорскиот суд осуди шверцери на луѓе поради смртта на 35 Роми во 1999 годинаБелград, 26 мај 2017 (МИА) - Црногорскиот суд осуди четворица шверцери на луѓе поради смртта на 35 Роми при нивниот транспорт за Италија во 1999 година, јави ДПА.
Ромите, кои бегале од војната во Косово, биле качени на брод, кој се превртел во водите крај црногорскиот град Будва.
Еден од обвинетите е осуден на осум години затвор, а други двајца добија по шест години. Четвртиот обвинет, кој е во бегство, беше осуден во отсуство, а други двајца се ослободени од обвиненијата поради недостиг на докази.
Половината, од вкупно 70 Роми во чамецот, регистриран само за шест патници, како и две лица од екипажот загинаа во инцидентот.
|