Демократскиот сојуз отфрла можност за коалицирање со Тачи и ХарадинајПриштина, 28 јуни 2017 (МИА) - Потпретседателот на Демократскиот сојуз на Косово (ЛДК), Љутфи Хазири отфрла секаква можност за коалицирање на неговата партија со Демократската партија на Косово (ПДК) на Хашим Тачи и Алијансата за иднината на Косово (ААК) на Рамуш Харадинај, јави косовската државна телевизија. - Тие ја злоупотребија нашата искреност и не можат да не убедат да ја промениме својата позиција. ПДК го прекрши договорот, рече Хазири за своите доскорешни коалициски партнери. Централната изборна комисија се уште не ги објавила конечните резултати од предвремените парламентарни избори, кои се одржаа на 11 јуни. Тие треба да бидат познати до крајот на месецот. Косовскиот претседател Хашим Тачи смета дека Парламентот ќе биде формиран до 10 јули, по што ќе одлучува на кого да му го даде мандатот за состав на новата влада.
|