Турскиот вицепремиер Бекир Боздаг е новиот портпарол на турската влада

Анкара, 24 јули 2017 (МИА) - Турскиот вицепремиер Бекир Боздаг е новиот портпарол на турската влада, соопшти турската телевизија НТВ, пренесува БТА.
Во Анкара денеска се одржа првата седница на новиот состав на кабинетот по минатонеделните персонални промени во владата.
На прес-конференцијата по состанокот новиот владин портпарол Боздаг објави дека турскиот вицепремиер Мехмет Шимшек ќе биде одговарен за економски прашања.
Шимшек, кој е поранешен банкар од Волстрит, ќе биде одговорен за економската координација, банки и економски институции, рече Боздаг.
Вицепремиерот Фикри Ишик ќе биде одговарен за инвестициите, објави Боздаг.
Самиот Бекир Боздаг, освен како владин портпарол, ќе има функции поврзани со односите со парламентот, со Државниот совет (највисокиот административен суд), со Дирекцијата за религиозни прашања на Турција (Дијанет), како и со државната телевизија ТРТ и со Агенција Анадолија, информира телевизија НТВ.
Вицепремиерот Реџеп Акдаг ќе биде задолжен за координација на прашањата поврзани со Кипар, како и за Дирекцијата за управување при катастрофи и вонредни ситуации (АФАД).