Европскиот суд ја поддржа одлуката на Австрија за враќање на азилантите

Стразбур, 26 јули 2017 (МИА) - Европскиот суд за човекови права одлучи денеска дека една членка на ЕУ може да ги врати бегалците во првата земја во која аплицирале за азил, дури и во случај на вонредни ситуации.

Ваквото толкување на прописите на ЕУ ќе ги задоволи Австрија и Словенија, кои и го покренаа целиот случај, но одлуката на Судот ќе погоди стотици луѓе кои се дојдени во земјите на Унијата за време на масовниот наплив на бегалци од Блискиот и Средниот Исток во текот на бегалската криза во 2015 и 2016 година.

Случајот по кој расправаше Судот за човекови права се однесува на две авганистански семејства и еден Сириец, кои побарале азил во Австрија, откако заминале од Хрватска.

Според ваквата одлука на Судот, сега хрватските власти ќе треба да одлучуваат за нивните случаи.

Во текот на 2015 година, повеќе од еден милион бегалци од воените судири, но и многу економски мигранти кои сакаа да се преселат во Европа минаа низ земјите на Западен Балкан, на патот кон ЕУ.

Одредбите на т.н. Даблинска регулатива предвидуваат бегалците да може да побраат азил во првата земја членка на ЕУ во која се нашле. Германија одлучи да ја суспендира оваа регулатива за сириските бегалци и престана да ги депортира во земјите од каде тие допатувале.

Австрија исто така се најде на удар на бегалскиот бран, кога некогаш и по неколку илјади бегалци влегуваа во земјата, прво преку Унгарија, а потоа и преку Словенија.

Голем дел од нив сакаа да продолжат кон Германија како крајна дестинација, но 90.000 одлучија да останат во Австрија и таму побараа азил.

Тоа претставува еден отсто од вкупното население на земјата, па австриските власти се определија за враќање на неколку стотици лица и придржувајќи се на Даблинската регулатива, ги испраќаа во Хрватска.

Судот сега го одобри тоа, определувајќи дека минувањето преку хрватската граница (кон Словенија и Австрија) мора да се третира како нерегуларно, според оваа регулатива. Ваквото решение на Судот е донесено само затоа што дозволата на една земја од ЕУ за влез на бегалците не значи обврска и за другите земји членки.

Ова и дава за право на Австрија да депортира во Хрватска стотици азиланти, иако разни хуманитарни организации и нивните адвокати објаснуваат дека тие луѓе не навлегле „диво и илегално“ на австриска територија.

Адвокатот на хуманитарната организација „Диакони“, Стефан Крамер, изјави дека луѓето биле „организирано префрлани од Македонија, а на австриската граница им бил дозволен влез врз основа на што подоцна побарале азил“.



Прочитајте: затвори
  • РЕПЕРТОАРИ
IDIVIDI Сервиси
IDIVIDI Речник
Powered by MagnumPRO
Download
Временска прогноза

Н/А

Нема
Битола
Н/А
Нема
Охрид
Н/А
Нема
Скопје
Виц на денот
Муабетат двајца пријатели во кафана:
- Абе, знаеш дека од една пијачка ме фаќа?
- Ај, шо збориш, од една само???
- Да бе, и тоа обично шестата.

* * *
Прашува едно дете...
webmail
IDIVIDI Радио
Македонски
Pop
Classical
Dance
Hip-Hop
Jazz
Rock
Ambient
Tehno&Trance
Состојба на патиштата
Времена измена на режим на сообраќај на регионален пат Р1101 делница Прилеп - Битола заради интезивирање на градежни активности во врска со проект "Санација на трупот на патот кај...
Верски календар
На денешен ден
1461.- Во најкрвавата битка во Војната меѓу двете...
1772.- Умре шведскиот филозоф Емануел...
1792.- Умре шведскиот крал Густав Трети, 13 дена...
1809.- Шведскиот крал Густав Четврти мораше да...