Атина, 26 јули 2017 (МИА) - Во Грција во моментов има повеќе од 62.000 бегалци и мигранти, додека вчера во земјата пристигнале уште 112 лица, јави дописникот на МИА од Атина.
Грчкото координативно тело за управување со бегалската криза соопшти дека на грчките острови има 15.222 лица.
Најмногу бегалци, вкупно 6.237, има на островот Лезбос, на Хиос има 2.018, а на останатите острови Самос, Лерос, Кос и на други острови во источниот дел на Егејското Море има 1.485 мигранти.
На копно, најмногу бегалци има во северниот дел на Грција, каде се проценува дека се ноѓаат 3.192 лица.
На цела територија на Грција вкупно има 62.407 мигранти и бегалци.