Црна Гора и БиХ потпишаа спогодба за дипломатски претставништваСараево/Подгорица, 26 јули 2017 (МИА) - Министерот за надворешни работи на Црна Гора, Срѓан Дармановиќ, и неговиот колега од БиХ, Игор Црнадак, денеска потпишаа спогодба за одредување на дипломатско-конзуларните претставништва на двете земји. Како што пренесе Танјуг, Спогодбата ќе придонесе во рационализација на трошоците и ефикасноста на функционирањето на дипломатско-конзуларните претставништва на двете земји. Дармановиќ се сретна и со претседавачот со Претседателството на БиХ, Драган Човиќ, членовите на Претседателството Бакир Изетбеговиќ и Младен Иваниќ, како и со членовите на колегиумот на Парламентарното собрание. Бидејќи Црна Гора и БиХ се посветени на регионалната соработка на состаноците било искажано уверувањето дека со заеднички напори, преку нови модели на регионално и економско поврзување, дополнително ќе се унапредуваат билатералните односи во областите на туризмот, сообраќајното поврзување и енергетиката, пренесоа црногорските медиуми.
|