Мицотакис: На Грција и се потребни политички промениАтина, 27 јули 2017 (МИА) - Тажното поглавје на коалицијата Сириза-Независни Грци мора да заврши. Грција има потреба од политички промени, со цел конечно да го направи големиот скок напред, изјави лидерот на најголемата грчка опозициска партија Нова Демократија (НД), Кирјакос Мицотакис.
Според него, премиерот Алексис Ципрас е оној што во 2015 година ја донел земјата на работ од амбисот и нагласи дека „Грција била спасена благодарение на одговорниот став на Нова демократија“.
- Неефикасноста и опортунизмот на Владата сериозно ја оштети грчката економија, изјави Мицотакис и додаде дека „премиерот и натаму провоцира со својата ароганција и ја навредува интелигенцијата на граѓаните“.
|