Анкара, 18 август 2017 (МИА) - Трговската размена меѓу Турција и Русија во првата половина од годината бележи пораст од 28 проценти, изјави рускиот министер за енергетика Александар Новак на отоворањето на Меѓународниот саем во Измир, јави ТАСС.
Тој наведе дека двете земји имаат перспективи за соработка во сите сфери на економијата.
- Посебно силни се перспективите во сферата на инвестициите, благодарение на формираниот заеднички инвестициски фонд, истакна Новак.
Русија е парнер на најстариот Меѓународен саем во Измир, кој денеска официјално беше отворен, Руската делегација брои околу 300 учесници.