Чавушоглу: Светот треба да биде посолидарен со Рохингите во Мјанмар

Баку, 6 септември 2017 (МИА) - Светот требда да биде посолидарен со трагедијата на муслиманските Рохинги во Мјанмар, изјави на прес конференција во Баку турскиот министер за надворешни работи, Мевлут Чавушоглу .
- Турција од првиот ден на трагедијата прави напори за надминување на ситуацијата со муслиманите Рохинги до Мјанмар, но и светот треба да биде солидарен со човечката драма којашто се одвива во оваа земја, смета Чавушоглу.
Турскиот министер најави дека од Баку заминува во Бангладеш за да направи проценка за неопходната хумантирана помош за Рохингите. Околу 150 илјади Рохинги избегаа од Мјанмар во оваа соседна земја во последниве неколку месеци откако почнаа нападите врз ова малцинство од страна на воените сили под контрола на армијата и криминални банди.