Лондон, 18 септември 2017 (МИА) – Руски милијардери и олигарси како и украинска елита обвинета за корупција, се меѓу стотиците луѓе кои добиле државјанство на ЕУ под контроверзното правило „златна виза“ за Кипар, објави Гардијан.
Владата на Кипар од 2013 година собрала повеќе од 4 милијарди евра давајќи државјанство на богати луѓе и право да живеат и работат во ЕУ во замена за кеш или инвестиции.
Само лани врз основа на таа шема повеќе од 400 луѓе добиле државјанство.
Меѓу оние кои добиле се и поранешни членови на руската Дума, основач на најголемата украинска банка, луѓе поврзани со сирискиот претседател Асад...
Европски политичари очекуваат расправа во ЕП за тој проблем.
Според законите на Кипар, за државјанство се потребни два милиона евра во недвижности или 2,5 милиони евра вредност на компанија или државни обврзници. Други барања не се потребни – ниту познавање јазик или престој освен што е потребно еднаш во седум години оној кој ќе добие државјанство да го посети Кипар.