Турскиот претседател Реџеп Таип Ердоган изјави дека Турција ќе распореди војници во северната сириска провинција Идлиб, како дел од минатомесечниот договор со Русија за деескалација.
Ердоган појасни дека зоните за деескалација во Сирија, утврдени преку договорот меѓу Турција, Русија и Иран ќе бидат предмет на подетални разговори со рускиот претседател Владимир Путин за време на неговата посета на Анкара следната недела, пренесе БТА.
- Договорот за деескалација е една ветувачка идеја, според која Русите ја овозможуваат безбедноста надвор од Идлиб, а Турција ќе се грижи за сигурноста во Идлиб, истакна турскиот претседател.