Седуммина рудари загинаа во несреќа во нелегален рудник во турскиот град ШирнакИстанбул, 18 октомври 2017 (МИА) - Седуммина рудари загинаа кога се урна сводот на рудник за јаглен во градот Шернак, во источна Турција. Турскиот вицепремиер и портпарол на турската Влада Бекир Боздаг потврди дека загинале седум рудари. Турското Министерство за енергетика и природни ресурси објави дека рудникот во кој се случи трагедијата, бил нелиценциран и нелегален. Рудникот била затворен уште во 2013 година со одлука на Генералната дирекција за рударски активности поради констатирани проблеми и ризици за животот и безбедноста на вработените во рудникот. Најголемата рударска несреќа во Турција се случи во мај 2014, кога во градот Сома загинаа 301 рудар.
|