Замрзнат имотот на сопственикот на „Агрокор“Загреб, 20 октомври 2017 (МИА) - Суд во Загреб, на барање на хрватското Јавно обвинителство, одобри замрзнување на имотот на сопственикот на „Агрокор“, Ивица Тодориќ. Хрватскиот портал Идекс.хр тврди дека има документ кој покажува дека на имотот Кулмерови двори, во сопственост на Ивица Тодориќ, е впишана забелешка, според која, на сопственикот му се забранува отуѓување или финансиско оптоварување на оваа недвижност. Анте Тодориќ, еден од двајцата синови на сопственикот на „Агрокор“, денеска е сослушан во Обвинителството, каде ги отфрлил сите обвиненија. Ивица Тодориќ се наоѓа во Лондон, и според некои хрватски медиуми, сместен е во една од двете куќи на српскиот бизнисмен Мирослав Мишковиќ. Познатиот хрватски адвокат Анте Нобило, кој застапува едно од осомничените лица за „Агрокор“, вчера изјави дека, ако дојде до судска постапка, а тој е убеден дека ќе биде така, процесот ќе трае следните 20 години.
|