Претседателот на Косово Хашим Тачи денеска во Софија побара државите од Западен Балкан да бидат примени во ЕУ „во блок“.
- Земјите од Западен Балкан треба да влезат во ЕУ во блок, со цел да се обезбеди долгорочен мир и соработка во регионот, изјави Тачи на регионалната конференција во организација на Владата на Бугарија и Светска банка.
Тој оцени дека на сите земји од Западен Балкан би требало да им биде пружена јасна европска перспектива, а ЕУ треба да има стратешки пристап кон регион.
Тачи денеска во Софија ќе има средба и со претседателот на Бугарија Румен Радев, на која ќе разговараат за продлабочување на соработката меѓу Косово и Бугарија.