Македонците и Грците во Албанија заедно против Законот за заштита на малцинствата

Партијата на грчкото малцинство во Албанија, Партија за заштита на човековите права, по повод 10-ти декември, Меѓународниот ден на човековите права, вчера во Тирана организираше тркалезна маса на тема „Законот за заштита на националните малцинства, де факто, чекор назад за почитување на нивните права".

Учествуваа претставници на грчката, македонската, влашката, ромската и египќанската заедница во Албанија, како и претставници на странските амбасади во Тирана.

Претставниците на малцинствата беа едногласни дека со усвојувањето на „Законот за заштита на националните малцинства во Република Албанија" не се почитуваат правата на малцинствата, ниту се земени предвид препораките на Советот на Европа и побараа меѓународна поддршка, со цел албанската Влада да го измени законот, каде би се прифатиле препораките на малцинствата.

- Премерот Еди Рама нема политичка волја за да ги заштити националните малцинства, обвини Вангел Дуле, лидер на паријата на грчкото малцинство и пратеник во албанскиот парламент.

Во името на македонската заедница, Васил Стерјовски посочи дека сите малцинства во фазата на изработка на овој закон дале свои предлози, но тие не биле прифатени и се донел закон што не е во духот на препораките на европските институции.

- Очекуваме да бидеме дел и од фазата од изработката на законските одредби со кои ќе се овозможи спроведување на овој закон, но можеме да заклучиме дека најголем дел од правата што произлегуваат од овој закон ќе се применуваат само во малцинските области признати од комунистичкиот режим и со новата територијалната реформа од 2014 година само во три општини Пустец, Дропул и Финиќ, а не на целата територија, додаде Стерјовски.

- Не беа прифатени нашите барања за гарантирани места во албанското собрание за малцинствата, матичните служби да издаваат документи каде ќе биде впишана и националноста на секој член од малцинствата, обезбедување образование на мајчин јазик за претставниците на малцинствата во предучилишното, основно, средно и високо образование на целата територија на Албанија. Обезбедување на посебен буџет за развој на областите каде што традиционално живеат малцинствата со цел подобрување на условите за живот, во единиците на локалната самоуправа каде што припадниците на малцинствата изнесуваат помалку од 20 отсто, советите на локалната самоуправа да одлучат нивниот јазик и писмо да бидат во еднаква официјална употреба, припадниците на националните малцинства да имаат право за застапување во извршните структури и вработувањето во јавните служби, вклучително и полицијата, изјави Стерјовски ,познат поборник за правата на Македонците во Албанија.

- Законот за „Заштита на националните малцинства во Република Албанија” за македонската заедница не ги решава проблемите со почитување на основните човекови права на целата територија на земјата, нагласи тој,

- Исто така,овој закон и создава големи проблеми на македонската заедница со признавањето на измисленото бугарско малцинство, откако Бугарија се закани дека ќе стави вето на членство на Албанија во Европската унија. Ние како македонска заедница сме против негирањето на правата и слободите на секој поединец, граѓанска група или заедница, но не можеме да прифатиме, денес во 21 век, да се применуваат политики од 19 век, за негирање на македонската нација,смета Стерјовски.

Тој додаде дека во Албанија, во согласност со сите историски факти, пописите реализирани во текот на годините, во областите Преспа, Голо Брдо и Гора каде што Бугарија бара бугарско малцинство, има малцинство кое е декларирано за македонско, кое има ист фолклор, традиција и јазик со македонскиот народ, живее во компактни области на граница со Македонија и има територијален континуитет со Република Македонија.

Признавањето со овој закон, на непостоечко бугарско малцинство во Албанија, покрај тоа што е научна и историска деформација, исто така е сериозна провокација, создавајќи непостоечки реалности и вештачки ни создава многу проблеми со Бугарија, која цели негација на македонската заедница во Албанија, заклучи Стерјовски



Прочитајте: затвори
  • РЕПЕРТОАРИ
IDIVIDI Сервиси
IDIVIDI Речник
Powered by MagnumPRO
Download
Временска прогноза

Н/А

Нема
Битола
Н/А
Нема
Охрид
Н/А
Нема
Скопје
Виц на денот
Студенка по медицина полага
испит.
-Колешке,во тестисите на
мажите колкаво количество спер-
ма има?
По кратко размислување.
-Паа,голтка -голтка ипол!
webmail
IDIVIDI Радио
Македонски
Pop
Classical
Dance
Hip-Hop
Jazz
Rock
Ambient
Tehno&Trance
Состојба на патиштата
Времена измена на режим на сообраќај на регионален пат Р1101 делница Прилеп - Битола заради интезивирање на градежни активности во врска со проект "Санација на трупот на патот кај...
Верски календар
На денешен ден
- Денеска е Светски ден на бабите, празник...
1472.- Роден е италијанскиот сликар Бартоломео...
1483.- Во Урбино е роден Рафаело Санти,...
1749.- Во Бомон ан Ож е роден Пјер Симон Лаплас,...