Босанската полиција соопшти дека го привела военото аташе на Босна и Херцеговина во Холандија, полковник Енес Јахиќ, под сомнеж дека е вмешан во извршени воени злосторства врз српски цивили во градот Коњиц во 1992 година.
Јахиќ е уапсен вчера, при влез во БиХ.
Босанското Јавно обвинителство минатата недела објави обвиненија против десетина Бошњаци, кои се осомничени за злосторства врз етнички Срби во Коњиц за време на Војната во БиХ.
Меѓу жртвите за кои се однесуваат обвиненијата, се и две деца на возраст од пет и шест години.
Јахиќ е осомничен дека бил еден од командантите на силите што извеле напад врз селото Брадина кај Коњиц.
По Војната во БиХ, Јахиќ напредувал во босанската армија, а учествувал и на обука во САД.