Српскиот претседател Александар Вучиќ денеска во Москва се сретна со рускиот вицепремиер Дмитриј Рогозин, до кого разговараше за стратешкото партнерство на двете земји, енергетиката, поддршката на Русија во однос на прашањето за Косово, ситуацијата во регионот, како и за економската соработка.
- Сакаме постоечката соработка во енергетиката, земјоделството, телекомуникациите и другите области да ја унапредиме и зајакнеме, истакна Вучиќ.
Српскиот претседател исто така, се заблагодари и за цврстата поддршка од страна на Русија за територијалниот интегритет и суверенитет на Србија, наведувајќи дека Белград е цврсто определен за понатамошен развој на политичките односи со Русија врз темели на стратешко партнерство и подготвеност на двете страни за нивно продлабочување во сите области.
Вучиќ укажа и дека Русија е еден од стратешките економски и надворешно-политички партнери на Србија.
Тој изнесе податоци дека вкупната трговска размена во 2016 година достигнала 2,3 милијарди долари, додавајќи дека во наредниот период Србија ќе го насочи вниманието на зајакнувањето на трговската соработка со Русија, како би биле искористени погодностите кои ги нуди договорот за слободна трговија.