Стапката на смртност меѓу населението во Босна и Херцеговина предизвикана од загадувањето на воздухот е дури 20 пати повисока отколку во САД, објави сараевскиот весник „Дневни аваз“.
Електронското издание на весникот наведува дека босанските градови Сараево, Тузла и Лукавац се меѓу најзагадените во Европа, додавајќи дека утрово поголемо загадување отколку во нив е измерено само во Битола.
Во 2012 година во БиХ од 100.000 смртни случаи, 231 починале поради енромната загаденост на воздухот, наведува „Дневни аваз“, додавајќи дека истата година во САД имало 12,1 такви случаи на 100 илјади починати.
Според податоците на Светската здравствена организација, БиХ минатата година била на петтото место во светот според загаденоста на воздухот.