Најмалку 39 лица се повредени во денешниот земјотрес со интензитет од 5,2 степени според Рихтеровата скала, што ја погоди турската југоисточна провинција Адијаман.
Турскиот министер за здравство Ахмет Демирчан изјави дека од 39 повредени, 35 се задржани во болница, но нивната состојба не е критична.
Турската новинска агенција Анадолија јави дека при земјотресот оштетени се и неколку згради.
Поради земјотресот затворени се основните и средните училишта во провинцијата.
Земјотресот бил на длабочина од 10 километри. По првичниот потрес уследиле осум послаби земјотреси.