Блиц: САД и Западот на Вучиќ му испратија план за Косово

САД и западните земји доставија план за решавање на косовскиот проблем до српскиот претседател Александр Вучиќ, пишува весникот „Блиц“ и наведува дека планот бил подобар за Србија од сите претходни, но оти се уште не е прифатлив за Вучиќ.

- САД и западните земји ги доставиле своите начела и принципи, но за нас тоа не е доволно добро. Не можеме да добиеме ниту една општина, ЗСО ќе добие статус, но не се знае каков статус ќе има, изјави неименуван извор за Блиц, за кој весникот наведува дека е „запознаен со деталите од предлогот“.

Весникот пишува дека Вучиќ не е задоволен со планот, и оти ништо не им одговорил на предлагачите.
Се напоменува и дека Западот го игнорирал ставот на државниот врв дека не постои прифатлива опција доколку Приштина добие се, а Белград ништо.

- На масата на Вучиќ стигна повеќе од она што Србија го добиваше претходно, што во целата ситуација е позитивна околност, но тоа за него се уште не е прифатливо. Свесен е дека ова е непристојна понуда од Западот со која тој не може да излезе пред граѓаните, наведува соговорникот за Блиц.

Во составување на овој нон пејпер документ, набројува весникот, учествувале помошникот на американскиот државен секретар за Европа и Евроазија Вес Мичел, заменичката на високата претставничка на ЕУ за надворешна политика Хелга Шмит и претставник на Велика Британија.

Весникот инфомира дека предлогот е на масата на српскиот претседател од пред да замине за Москва, и претпоставува дека Вучиќ за тоа разговарал со рускиот претседател Владимир Путин и дека го известил за ставот на Србија.
Според Блиц, Вес Мичел делови од планот претставил и на српски бевладини организации, отворено велејќи дека Србија мора да го прифати.

- Ако не го прифати Вучиќ, има кој ќе го направи тоа, но тоа тогаш е крај и за него и за Србија, им рекол Мичел на неколку претставници на НВО.
Весникот тврди дека на еден состанок дури зборувал и за пари и спомнувал сума која Западот би можел да ја даде за прифаќање на овој план.



Прочитајте: затвори
  • РЕПЕРТОАРИ
IDIVIDI Сервиси
IDIVIDI Речник
Powered by MagnumPRO
Download
Временска прогноза

Н/А

Нема
Битола
Н/А
Нема
Охрид
Н/А
Нема
Скопје
Виц на денот

И донел Мујо на Фата вибратор. Го земала таа во рака, го уклучила, а тој почнал да тресе, еднаш, двапати, трипати, па и испаднал од рака и почнал да скока на подот по плочките....
webmail
IDIVIDI Радио
Македонски
Pop
Classical
Dance
Hip-Hop
Jazz
Rock
Ambient
Tehno&Trance
Состојба на патиштата
Сообраќајот на државните патишта се одвива по суви коловози. Oд вторник - 16.10.2018, ЈП Македонијапат ќе изведува градежни работи (машинско асфалтирање, надоградба на...
Верски календар
На денешен ден
1216.- Умре англискиот крал Џон Без Земја,...
1735.- Роден е Џон Адамс, втор по ред...
1745.- Во Даблин умре Џонатан Свивт, најголем...
1812.- Францускиот цар Наполеон I нареди...