|
 |
Вести / Балкан
„Блиц“: Договорот за стабилизација и асоцијација ја зголеми популарноста на коалицијата „За европска Србија“
Белград, 9 мај (МИА) - Потпишувањето на Договорот за стабилизација и асоцијација меѓу Србија и ЕУ резултира со зголемување на рејтингот на коалицијата „За европска Србија“ предводена од Демократската партија (ДС) на српскиот претседател, Борис Тадиќ, оценува белградскиот весник „Блиц“ во анализата на анкетата на агенцијата ЦеСид спроведена воочи предвремените парламентарни избори во Србија што ќе се одржат во недела.
Најновата анкета покажува дека на изборите се очекува тесна победа на Српската радикална партија (СРС), која може да се надева на меѓу 1,4 и 1,55 милиони гласови, пред коалицијата на ДС кој би добила меѓу 1,35 и 1,55 милиони гласови.
Според програмскиот директор на ЦеСид, Ѓорѓе Вуковиќ разликата меѓу радикалите и блокот на ДС сега изнесува околу 10.000 гласа, додека пред потпишувањато на Договорот за стабилизација и асоцијација таа изнесуваше над 100.000 гласови.
Растот на популарноста на ДС резултираше со пад на рејтингот на двата останати „демократски“ блока.
Така коалицијата на Демократската партија на Србија (ДСС) и на Нова Србија (НС), предводена од премиерот Воислав Коштуница сега може да се надева на меѓу 450 и 500 илјади гласови, додека пред склучувањето на Спогодбата анкетите и предвидуваа скор од околу 550.000 гласови.
Либерално демократската партија (ЛДП) сега може да се надева на меѓу 270 и 330 илјади гласови, додека пред договорот се прогнозираше дека ќе освои над 330.000 гласови.
Коалицијата предводена од Социјалистичката партија на Србија (СПС) пак може да се надава на меѓу 250.000 и 300.000 гласови, што е во рамките на претходните прогнози од околу 290.000 гласови.
Се предвидува дека на изборите ќе гласаат околу 4,1 милион избирачи.
|
|
|
|
|
![]() |
 |
Пребарување
|
|
|
|
|
|
|
WEBmail |
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|