|
 |
Вести / Балкан
|
|
Албанската КЕШ најави поставување 18 илјади струјомери во Тирана
Тирана, 14 мај (МИА) - Албанската електрокорпорација КЕШ деновиве почна акција за поставување струјомери на подрачјето на Тирана.
Како што јави дописникот на МИА од Тирана, извори од корпорацијата потврдуваат дека до месец август ќе бидат поставени 18 илјади струјомери, со што ќе биде заокружена активноста за поставување на струјомери за сите потрошувачи во главниот град.
Поставувањето струјомери на целата територија на земјата почна од поодамна и ќе продолжи во текот на целата 2008 година.
КЕШ преку меѓународен тендер обезбеди 60 илјади струјомери, кои според утврдениот рок од страна на Регулаторниот завод за енергетика, ЕРЕ, треба да бидат поставени до крајот на годинава.
Моментно се смета дека на целата територија на земјата околу 85 илјади домаќинства не се обезбедени со струјомери и тие плаќаат сметки со паушален износ за потрошена електрична енергија.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|