|
 |
Вести / Балкан
|
|
Во Албанија запленет добиток шверцуван од Војводина
Тирана, 14 мај (МИА) - Припадниците на албанската гранична полиција на падините на планината Коритник на границата со Косово, пресретнале и заплениле група од 10 јунци тешки до 400 килограми, за кои постои основано сомневање дека се прошверцувани од Војводина, јави дописникот на МИА од Тирана.
Добитокот е забележани веднаш откако ја минал границата. Полицијата не успеала да ги открие шверцерите кои успеале да се скријат во густата шума.
Јавна тајна е дека повеќе лица од подрачјето на Кукс, но и од Тропоја и Хас, со години вршат шверц на крупен добиток, пред се од Војводина. Локалната полиција само лани успеала да заплени над 300 грла добиток, но повеќе од сигурно е дека бројот на шверцуваниот добиток е за неколку пати поголем.
Добитокот во Војводина шверцерите го купувале за едно евро по килограм а го продавале, претежно на пазарот во Тирана по пет евра. Во последните години појава на шверц на добиток имаше и тоа на големо и на македонско албанската граница кај Дебар. Но со зајакнатите мерки се поретки се обидите да се шверцува добиток кон Албанија.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|