|
 |
Вести / Балкан
Нови откритија околу скандалот во Грција со „црни каси“ на „Сименс“
Атина, 15 мај (МИА) - Американски адвокати кои се занимаваат со скандалот со германската компанија „Сименс“ за поткупување грчки политичари, откриле десет кодови на банкарски сметки, поврзани со движењето на парите од „црните каси“ на „Сименс“ до политичари во Грција, пишува весникот „Та неа“.
Се претпоставува дека некои од тие кодови се совпаѓаат со оние со кои веќе располагало грчкото обвинителство.
Поконкретно, претставници на Deveboise & Plimton, го истражуваат движењето на парите, давани под форма на поткупи на грчки политичари со цел да биде осигурано учеството на германскиот конзорциум во изградбата на системот за безбедност, наменет за Олимписките игри во Атина во 2004.
Предходно, друг грчки весник откри дека две компании - едната холандска и една во Монако вршеле трансфер на поткупи од страна на „Сименс“ на влијателни политичари и државни службеници во Грција.
Весникот „Та неа“ тврди дека под лупа сега биле најмалку петмина политичари. Според весникот со особено внимание било проучувано движењето на сомнителни трансфери кои пристигнувале од банка во Кипар.
Од претходните откритија беше утврдено дека пари биле давани од поранешниот шеф на Сименс во Грција Михалис Христофоракос на засега непознати лица за периодот од 1998 до 2006 година.
Во печатот беше соопштено дека пред судот во Минхен тој признал дека парите пристигале до касите на двете главни партии во Грција - Нова демократија и ПАСОК.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|