|
 |
|
Вести / Балкан
|
|
Британската кралица Елизабета Втора ја заврши посетата на Турција давајќи и силна поддршка за ЕУ
Анкара, 16 мај (МИА) - Британската кралица Елизабета Втора и нејзиниот сопруг принцот Филип денеска ја завршија четиридневната официјална посета на Турција, на која таа ја подвлече цврстата британска поддршка на кандидатурата на Турција за приклучување кон ЕУ, соопшти ИТАР ТАСС.
Британската амбасада во Анкара приреди прием во чест на Елизабета Втора , на кој беа поканети претставници на државниот врв на земјата, лидери на партии и познати, забележа ИТАР ТАСС. Токму на приемот се оствари неформална средба на кралицата со турскиот премиер Реџеп Таип Ердоган, на кој, според очевидци, Елизабета Втора ја изразила поддршката на Лондон за стремежот на Анкара за присоединување кон ЕУ.
Пред заминување од земјата, кралицата на пат за аеродромот ја посетила и резиденцијата на турскиот претсдател Абдула Ѓул.
На официјалната вечера, приредена во нејзина чест од страна на турскиот претседател, кралицата ја опиша Турција како докажана и динамична демократија.
-За нас Турција е толку важна, како што од секогаш и била, изјави кралицата. „Перспективите за присоединување кон ЕУ веќе и помогнаа за поттикнување на промените, кои го подобруваат животот на луѓето“, посочи Елизабета Втора и додаде дека Турција е во уникатна ситуација како мост меѓу Истокот и Ззпадот во одлучувачкиот миг за ЕУ и за светот во целина.
За време на четиридневната посета на Турција кралицата ги посети Анкара, Бурса и Истанбул.
|
|
|
|
|
|
|
|
 |
Фото експрес
|
|
|
|
|
|
|
|
 |
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|