|
 |
Вести / Балкан
|
|
Русија се меша во внатрешните работи на Косово, оценуваат косовските институции и претставници на политички партии
Приштина, 3 јули (МИА) - Косовските институции и партиите на косовските Албани го осудија денеска соопштението на руското Министерство за надворешни работи, во кое се поздравува формирањето паралелни српски органи на власта на Косово и оценија дека Русија се меша во внатрешните работи на Косово.
Претставниците на политичките партии нагласуваат дека ваквите руски ставови ги попречуваат демократските процеси на Косово.
Сабри Кичмари од Демократската партија на Косово смета дека таквото соопштение претставува иште една во низата грешки, кои Русија ги направила во однос на Косово.
- Тоа е уште еден во низата неразбирливи ставови на руската дипломатија во Советот за безбедност, која таа ги имаше уште во времето на војната на Косово. Од наш агол тоа може да се гледа како мешање во внатрешните работи на Косово, но и како обид за зајакнување на параполитичките неинституционални механизми, кои се обидуваат да ја дестабилизираат нашата земја, изјави Кичмари.
Официјална Москва соопшти во вторникот дека формирањето на Собранието на српските општини на Косово е „логична реакција на нелегалното еднострано прогласување на независноста на Косово, нагласувајќи дека неалбанската заедница има право да не ја признава квазидржавата што Приштина ја прогласи“.
Бајрам Косуми, поранешен претседател на Владата од Алијансата за иднината на Косово, вели дека таквите изјави предизвикуваат судир, а не решение во регионот.
- Русија направи уште еден чекор во попречување на демократските процеси на Косово и во регионот. Руската дипломатија досега успеваше и до некаде имаше успех во попречувањето на создавање стабилност и мир во косовската држава и во регионот. Сега направи уште еден чекор кој е насочен кон попречување на стабилноста и мирот на Косово и во регионот, додаде тој.
Љуфри Хазири, потпретседател на Демократскиот сојуз на Косово, смета дека создавањето на едно „т.н Собрание и поддршката од руската Влада ќе ги генерираат проблемите“.
- Апсолутно е неодржливо образложението, актот и самата декларација. Собранието на српските општини на Косово како нелегитимен орган, паралелна структура не придонесува за стабилноста и интеграцијата на Србите во косовските институции, истакна Хазири.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|