|
 |
Вести / Балкан
ОБСЕ за пропустите на косовското праводуство во врска со мартовските насилства од 2004 година
Приштина, 3 јули (МИА) - Мисијата на Организацијата за безбедност и соработка во Европа (ОБСЕ) во Косово денеска го претстави извештајот под наслов „Четири години подоцна - преглед на предметите поврзани со мартовските немири во 2004 година во кривичниот и правосуден систем во Косово“.
Во извештајот е оценето дека тие случувања од март 2004 година „сериозни ги нарушиле напорите на Косово да стане толерантно мултиетничко општество“. ОБСЕ укажува на многубројните сериозни пропусти на косовското правосудство за казнување на одговорните за насилствата.
Извештајот се осврнува на работата на правосудниот систем на Косово во постапките поврзани со утврдување на вината за делата извршени за време на мартовските насилства.
- Судовите на Косово и натаму имаат потешкотии во добивање на изјави на сведоците, физички лица или полицајци, бидејќи тие не се појавуваа пред судот или даваат изјави кои се разликуваа она што претходно го изјавуваа, се наведува во извештајот.
ОБСЕ укажува дека многу често се случува осомничените сторители на одредени кривични дела да не бидат обвинети и казнети согласно тежината на стореното дело. Судовите, според ОБСЕ, често не ја земале предвид околноста за постоење етнички мотив, како причина за многу од извршените злосторства.
Обвинетите, кои се товарат за тешки кривични дела, како што е палење на религиозни споменици или ранување на луѓе, меѓу кои и полицајци, често добивале благи казни, чие извршување во многу случаи е суспендирано, се наведува во извештајот.
ОБСЕ изразува загриженост и поради малиот број на покренати обвиненија, односно од март 2004 до април оваа година се обвинети 242 лица за мартовските насилства. Од декември 2005 година биле покренати само 21 нов предмет, што значи дека од март 2004 година обвинителите покренале постапки против само 400 лица, а во нередите учествувале повеќе од 50 илјади лица.
Бранот насилства на Косово доби замав на 17 и 18 март 2004 година, откако беа пронајдени телата на две деца во реката Ибар, во близина на селото Чабра, северно Косово. Тоа беше повод за масовни демонстрации на косовските Албанци, кои ги обвинија Србите за смртта на децата. Во немирите се убиени 19 лица - 11 косовски Албанци и осум косовски Срби, а ранети се повеќе од 900 лица, меѓу кои и 65 припадници на меѓународната полиција и 58 припадници на Косовската полициска служба. Уништени се повеќе од 800 објекти, меѓу кои 29 цркви и манастири. Неколку илјади Срби ги напуштија домовите.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|