|
 |
Вести / Балкан
|
|
Босанските Срби разочарини од ослободителната пресуда на Хашкиот суд за босанскиот воен командант Насер Ориќ
Бања Лука, 3 јули (МИА) - Босанските Срби денеска како удар ја оценија одлуката на Хашкиот жалбен судски совет за ослободување на осудениот за воени злостроства поранешен командант на босанската мусламнска армија во Сребреница Насер Ориќ, пренесува АФП.
-Јас сум разочаран. Судиите, кои денеска го ослободија Ориќ и покрај доказите кои го покажуваа сомневањето дека тој е одговорен за криминалот против Србите во и околу Сребреница за време на војната, се посрамотија, изјави Пантелија Кургуз, шеф на српската организација на воени ветерани.
-Пресудите во Сараево и во судот во Хаг ја покажувата само вината на Србите, додека другите како Ориќ се ослобувани или воопшто не се гонат, додаде тој.
Ориќ беше обвинет во јуни 2006 година затоа што не ги спречил подредените војници во убиството на шестмина босански српски затвореници и за малтретирање на други во периодот од 1992 до 1993 година во Сребреница.
Тој беше осуден на две години затвор, но беше ослободен по враќањето во Сараево бидејќи мина повеќе од три години во притвор чекајќи го судењето.
Жалбениот совет на Хашкиот трибунал денеска ја поништи претходната пресуда против Насер Ориќ и го прогласи за невин, соопшти претседателот на Советот Волфганг Шомбург.
Ориќ, кого Бошњаците го сметаат за воен херој, беше командант на босанската армија во Сребреница од мај 1992 година до мај на 1995 година, по што беше префрлен на повисока должност во командата на Вооружените сили на БиХ во Сараево. Два месеци по неговото заминувањето од Сребреница, во јули 1995 година војската на босанските Срби го зазема градот, при што беа убиени околу осум илјади лица.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|