|
 |
Вести / Балкан
Си-Ен-Ен Турк: Процесот за забрана на турската владејачка партија може многу брзо да заврши
Анкара, 4 јули (МИА) - Процесот за забрана на турската владејачка Партија на правдата и развојот (АКП) може да биде завршен за многу кусо време, јави телевизијата Си-Ен-Ен Турк, повикувајќи се на изјава на потпретседателот на Уставниот суд на Турција, Осман Паксјуд.
Според Паксујд, откако АКП вчера ја претстави својата одбрана пред Уставниот суд, постои голема веројатност целиот судски процес да заврши за три до шест седмици.
Тој нагласи дека судиите во Уставниот суд нема да заминат на летен одмор се додека не биде завршен процесот во врска со барањето за забрана на турската владејачка партија.
Турскиот заменик-премиер Џемил Чичек и потпретседателот на пратеничката група на АКП, Бекир Боздаг вчера пред Уставниот суд речиси шестипол часа усно ја изнесуваа одбраната на партијата во врска со обвинувањата дека го загрозува секуларниот карактер на Турција.
Во вторникот обвинувањата против партијата ги изнесе иницијаторот на процесот за забрана на АКП, обвинителот на Касациониот суд Абдуррахман Јалчинкаја, според кого, партијата станала „центар на антисекуларната активност“ во Турција.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|