|
 |
Вести / Балкан
Босанските Хрвати незадоволни од нивната позиција во Федерацијата БиХ
Сараево, 4 јули (МИА) - Претседателот на клубот на Хрватите во Домот на народите на Парламентот на Федерацијата Босна и Херцеговина, Јосип Периќ најави дека ќе побара помош од Владата на Хрватска, доколку продолжи надгласувањето на хрватските претставници во органите на извршната и законодавната власт на муслиманско-хрватскиот eнтитет на БиХ.
- Надгласувањето на хрватските претставници од страна на нивните бошњачки колеги е особно изразено кога е во прашање носењето одлуки за распределба на буџетските средства, изјави Периќ, додавајќи дека Хрватска има уставна обврска да се грижи за Хрватите во БиХ.
Тој нагласи дека Хрватите во голема мерка „го полнат“ државниот буџет, додека средствата кои се враќаат во подрачјата во кои живеат Хрвати се занемарливо мали.
- Во Федерацијата БиХ се врши грабеж на хрваскиот народ и хрватските даночни обврзници рече Периќ.
Тој ги повика хрватските претставници во органите на извршната и законодавната власт на Федерацијата БиХ да преземат радикални чекори со што ќе покажат дека „Хрватите се се уште живи, дека уредно го полнат федералниот буџет и дека тој буџет не може да се троши само со еднострани одлуки на бошњачките претставници“.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|